Mae Taith Feicio Fawr Cymru yn ddigwyddiad newydd sbon sy’n cael ei drefnu gan Tŷ Hafan, i helpu i godi arian hanfodol i sicrhau nad yw’r un teulu yn gorfod byw bywyd byr eu plentyn ar eu pen eu hunain.
Dyddiad
12 – 14 Medi 2025
Lleoliad
Caernarfon i Gaerdydd
Nawdd
£2,500
Ffi cofrestru
£100
Taith feicio 200 milltir heriol yw’r digwyddiad hwn fydd yn dechrau o flaen castell canoloesol Caernarfon ac yn gorffen ym Mae Caerdydd dridiau’n ddiweddarach.
Bydd y daith yn dilyn llwybr trwy olygfeydd godidog Parc Cenedlaethol Eryri cyn teithio i lawr arfordir trawiadol canolbarth Cymru wrth droed Mynyddoedd Cambria. O’r fan honno, byddwch yn mynd heibio Cronfeydd Dŵr Cwm Elan ac yn beicio trwy Ardal Hyfforddi Pontsenni ac i Aberhonddu, cyn teithio lawr i Gaerdydd ar y trydydd diwrnod am ddiod haeddiannol a phryd o fwyd i ddathlu!
Mae’r digwyddiad arbennig hwn yn agored i uchafswm o 50 o bobl ac mae’n cynnwys pecyn cymorth gwych i helpu i wneud y digwyddiad mor gyfforddus a phleserus â phosibl. Sicrhewch eich lle heddiw am £100 yn unig ac ymrwymiad i godi isafswm o £1,950 ar gyfer Hosbis Plant Tŷ Hafan.
Edrychwch ar ein Cwestiynau Cyffredin isod am fwy o wybodaeth, a gallwch hefyd gysylltu â’r tîm drwy ffonio 02920 532 255 neu e-bostio events@tyhafan.org
Cofrestru heddiw
Diwrnod 1: Caernarfon i Aberystwth gan deithio dros Fwlch Llanberis (Yr Wyddfa) ac arfordir canolbarth Cymru
Diwrnod 2: Aberystwyth i Aberhonddu heibio i gronfeydd dŵr Cwm Elan ac Ardal Hyfforddi Pontsenni
Diwrnod 3: Aberhonddu i Gaerdydd – gan orffen ym Mae Caerdydd
Os hoffech wybod mwy am y digwyddiad neu os oes gennych unrhyw gwestiynau, anfonwch e-bost i events@tyhafan.org
Cyn y digwyddiad
Cymorth codi arian cyn y digwyddiad (rheolwr cyfrifon pwrpasol)
Sesiwn briffio cyn y digwyddiad
Taith ymarfer grŵp cyn y digwyddiad
Amserlenni a phroffiliau llwybrau (yn amodol ar newid)
Crys beicio arbennig
Pryd o fwyd cyn y digwyddiad a phryd ar ôl y digwyddiad i ddathlu
Tîm Cefnogi Digwyddiad
Rheolwr digwyddiad ymroddedig
6 arweinydd (cymhareb 1:8)
Meddyg tîm
Aelod cymorth Tŷ Hafan
Llety
Llety mewn ystafelloedd â dau wely am 3 noson (siaradwch â’ch rheolwr cyfrif i holi am atodiad ystafell sengl)
Prydau bwyd
Brecwast, cinio a 2 hoe i gael tamaid i’w fwyta bob dydd
Cymorth Ychwanegol
Teithio mewn bws o hosbis Tŷ Hafan i Gaernarfon ddydd Iau 1 Medi
Cludo a storio beiciau/bagiau wedi’u cynnwys drwy gydol y digwyddiad (rhaid dod â’r beic i Tŷ Hafan ar 11/09/2024)
Cardiau argyfwng yn dangos y rhifau ffôn pwysig ar gyfer y digwyddiad
Cofrestrwch heddiw a threfnu eich lle yn y digwyddiad gwych hwn.
Cofrestru heddiwByddwch, os oes angen, gallwn rannu’r beicwyr yn grwpiau i gyd-fynd â gallu pawb a sicrhau bod pawb yn beicio ar gyflymder cyfforddus.
Gofynnwn i chi anelu at godi 80% (£1560) o’r arian erbyn 8 wythnos cyn y daith a bod y gweddill yn cael ei dalu 6 wythnos ar ôl y digwyddiad fan bellaf.
Byddwn, cyn belled â bod yr unigolyn sy’n rhoi yn gymwys ar gyfer y cynllun.
Bydd gennych fynediad uniongyrchol at reolwr cyfrif yn y tîm digwyddiadau a fydd yn gallu eich cefnogi gyda syniadau codi arian, marchnata cyfochrog, a chyngor ac arweiniad cyffredinol trwy gydol eich taith codi arian. Rydym yma i’ch cefnogi ar hyd y ffordd!
Bydd ein beicwyr cefnogi profiadol yn cael eu darparu gan gwmni y mae Tŷ Hafan wedi gweithio gyda nhw o’r blaen o’r enw J T Expeditions. Bydd un arweinydd beicio ar gyfer pob 8 o bobl.
Bydd, mae’n hanfodol eich bod yn ymarfer ar gyfer y digwyddiad hwn a bod gennych lefel dda o ffitrwydd er mwyn mwynhau’r digwyddiad. Byddwn yn darparu canllawiau ymarfer a’r cyfle i ymuno â thaith ymarfer.
Mae eich diogelwch yn bwysig iawn i ni felly bydd gennym swyddogion cymorth cyntaf wedi’u hyfforddi ac offer cymorth cyntaf ar gael drwy gydol y digwyddiad.
Byddwch, os bydd digon o ystafelloedd ar gael a bydd cost ychwanegol. Siaradwch â’r tîm digwyddiadau a fydd yn gallu holi ar eich rhan.
Bydd, rydym yn argymell eich bod yn trefnu eich yswiriant personol a theithio eich hun ar gyfer y digwyddiad hwn.
Byddwn yn caniatáu cyfnod o 14 diwrnod lle gallwch newid eich meddwl a derbyn ad-daliad llawn. Ar ôl y cyfnod hwn, ni fydd modd ad-dalu’r ffi gan fod y digwyddiad yn arwain at gostau i’r elusen.
Bydd rhain yn cael eu rhannu’n agosach at ddyddiad y digwyddiad ond gallant newid ar unrhyw adeg oherwydd ffactorau allanol fel logisteg y digwyddiad a’r tywydd.
Byddwn yn stopio 2/3 gwaith y dydd.
Bydd brecwast a chinio bob dydd yn cael eu cynnwys ynghyd â phryd dathlu cyn/ar ôl y digwyddiad.
Cewch, mae hynny’n iawn, rhowch wybod i’ch rheolwr cyfrif fel y gallwn drefnu i’ch cwrdd yno.
Na, yn anffodus nid oes gennym le i adael unrhyw gerbydau yn Tŷ Hafan. Os ydy hyn yn achosi trafferth, rhowch wybod i ni a byddwn yn ceisio eich helpu i ddod o hyd i ateb.
Peidiwch â phoeni, byddwn yn gweithio gyda chi i roi cynllun codi arian ar waith a gallwch barhau i godi arian ar ôl y digwyddiad.
Siaradwch â’ch cyflogwr i weld beth yw’r sefyllfa neu os oes unrhyw ffyrdd eraill y gallant eich cefnogi.
Bydd yr arian yr ydych yn ei godi yn cael effaith enfawr ar ein gwaith, gan sicrhau na fydd yn rhaid i’r un teulu fyw bywyd byr eu plentyn ar eu pen eu hunain. I wybod mwy am waith Tŷ Hafan, ewch i Tŷ Hafan – Hosbis Plant.
Byddwn, bydd gennym dechnegydd beiciau a beic sbâr ar gyfer y grŵp ond byddwn yn rhoi rhestr cit o eitemau allweddol i chi eu pacio cyn y digwyddiad.
Na chewch, oherwydd y pellteroedd hir bob dydd a’r logisteg ychwanegol, ni chaniateir e-feiciau ar yr her hon.